الفن – أمينة خليل: بحب الشغل مع تايسون صاحب القلب الطيب وبنطلع من بعض أحلى حاجة – البوكس نيوز

احتفل أبطال فيلم “وش فى وش” بالعرض الخاص بأحد سينمات مدينة 6 أكتوبر، أمس الثلاثاء وسيتم طرحه اليوم الأربعاء بدورعرض السينمات وينافس فى موسم الصيف، وحضر من صناع العمل كل من محمد ممدوح وأمينة خليل وأنوشكا ومحمد شاهين وأسماء جلال وأحمد خالد صالح، ومحمود الليثى ودنيا سامى وخالد كامل وسلوى محمد على.

وقالت النجمة أمينة خليل، عن تعاونها مع النجم محمد ممدوح في أكثر من عمل، قبل فيلم وش في وش، :”محمد ممدوح تايسون زميلى وصديقى وحبيبى وبتبسط أوى وبرتاح في الشغل معاه وبنطلع من بعض أحلى حاجة وفى كيميا بينا هو ممثل مش أنانى بأى شكل من الأشكال دايما بيخلي الممثل اللي قدامه يطلع أحسن حاجة، ودي أكتر حاجة بحبها فيه، وإحنا متناسقين جدا تفكيرنا فى اختيارالأعمال ودى حاجة بحبها أوى ومحمد ممدوح قلبه أبيض وبحبه جدا”.

وعن كواليس العمل” كانت مضحكة جدا لأن كنا 12 ممثلا في مكان واحد، ومعانا بيومي فؤاد ومحمود الليثى، لازم ضحك طول الوقت، واتبسطنا جدا في الكواليس، غير الضحك الموضوع كان صعب جدا في الأول عشان كنا عدد كبير  ففكرة إن إحنا نتجمع ونركز عشان ندخل نعمل مشهد ده خد وقت”.

فيلم “وش في وش بطولة محمد ممدوح، أمينة خليل، أحمد خالد صالح، محمد شاهين، خالد كمال، بيومي فؤاد، أنوشكا، أسماء جلال، محمد شاهين، محمود الليثي، سامي مغاوري، دنيا سامي، وسلوى محمد على، وإخراج وليد الحلفاوي.

وتدور أحداث العمل في إطار اجتماعي كوميدي لايت، داخل شقة زوجية يجتمع بالصدفة فيها عائلتا الزوج والزوجة مختلفتا الثقافة، وتحدث بينهما العديد من المشكلات، ونرى خلالها ما يحدث داخل الشقة في ليلة واحدة.

فيلم “وش في وش”، يجمع أمينة خليل ومحمد ممدوح بعد أن جمعهما مسلسل “عائلة زيزي”، ومسلسل “قابيل”، ومسلسل “العائدون”، مسلسل “لا تطفئ الشمس”، مسلسل “جراند أوتيل”، فيلم “122” وفيلم “الخلية”.