الفن – جهاد حسام الدين: المخرجة نادين خان كانت دايما بتشجعنى فى مسار إجبارى – البوكس نيوز

كشفت الممثلة الشابة جهاد حسام الدين، فى تصريحات خاصة لليوم السابع، عن مشاهدها عن عملها مع المخرجة نادين خان فى مسلسل مسار إجبارى الذى عرض في النصف الأول من الشهر ضمن دراما رمضان 2024.

وصرحت جهاد قائلة: “الشغل مع نادين خان انضباط وده مريح جدا، إنتى عارفة إن فى حد مسيطر على اللوكيشن، وفى خطة لليوم، مفيش إحساس إنى بغرق فى حد فى ضهرك، فى حد متحكم، فده مدينا الأمان”.

وتابعت جهاد قائلة: “كنا فى الأول بنتكلم عن الشخصية وكل حد فينا أنا والمخرجة نادين خان نقول شايفينها إزاى، لكن هى فى التصوير كانت دايما بتشجعنى إنى أروح للحتة الرخمة، لأنى كنت خايفة أوى إنى أقع فى الشخصية الكليشة، بس هى كانت دايما بتشجعنى إنتى ماشية صح، لأنى كمان كنت خايفة أروح للشخصية الشريرة من الأول، بس هى كانت بتحاول تفهمنى إنه عادى، ودايما تقولى ما ترجعيش لورا”.

مسلسل مسار إجبارى مكون من 15 حلقة ويعرض ضمن مسلسلات رمضان 2024، بطولة أحمد داش، عصام عمر، صابرين، بسمة، جورى بكر، نور محمود، مى الغيطى، رشدى الشامى، ياسمينا العبد، معاذ نبيل، محسن منصور، جهاد حسام، نورين أبو سعدة، إبراهيم الزيادى، وعدد آخر من الفنانين، هو سيناريو وحوار أمين جمال، محمد محرز، مينا بباوى وإخراج نادين خان وإنتاج المتحدة للخدمات الإعلامية.