تم صدور اول حلقتين من مسلسل “الجسر” علي منصة “شاهد”، والمسلسل من قصة وإخراج “بيتر ميمي”، سيناريو وحوار “محمد سليمان عبد المالك”، وبطولة “عمرو سعد” و”نيلي كريم”.
أحداث مسلسل الجسر
المسلسل بتدور أحداثه بعد نهاية العالم عن المهندس “نوح” اللي بيحاول يوصل للجسر هو وابنه “ناجي” وعلشان يهرب من قبضة “دليلة” قائدة مستعمرة بشرية.
المسلسل فكرته مقتبسة من فيلم “The Road” إنتاج سنة ٢٠٠٩، وطبعا للاسف ده بقي حال أعمال “بيتر ميمي” القائمة علي أفكار مش أصلية، ومقتبسة بشكل مباشر.
ولكن التنفيذ زي ما بنقول عليه “متمصر” يعني معمول علي الطريقة المصرية، فيه حاجات فيه كويسة ، وفيه حاجات مكنتش موفقة زي لغة الحوار في بعض الأحيان وكمان المؤثرات البصرية، بخلاف تصميم الشخصيات اللي شفنا زيه قبل كده وشبه أعمال مش لازم نقولها. اداء “عمرو سعد” و”نيلي كريم” كويس ومناسب لجو الأحداث، ويمكن ده افضل حاجة في المسلسل لحد دلوقتي.
المسلسل مكون من ٦ حلقات، وكل تلات هينزل حلقتين، وفي الآخر ان شاء الله نعمل تقييم عام.
مسلسل الجسر الحلقة 2 الثانية
بدأ عرض مسلسل (الجسر) واحداثه التي تدور فى إطار خيالى بعد سنين طويلة من الحروب والنزاعات وانعدام التكنولوجيا والرجوع للبدائية، بتقوم جماعة بعمل مستعمرة بيأمنوا نفسهم بالاكل واى حاجة تخليهم عايشين وليها رؤساء ومحدش من الأهالى يقدر يخرج برا المكان دا ولا يقدر يكسر قوانينهم لكن فيه أشخاص بتحاول الهرب للجسر ومنهم شخص بالفعل ناجح فى أنه يعيش برا المستعمرة دى لكن الصدفة هتدخله فى اشتباك معاهم، الديكورات والتصوير والأزياء والجو العام بتاع المسلسل فيه شبه من جزء كان فى مسلسل النهاية.
الجسر حلقة الثانية بشكل عام المسلسل اول حلقتين منه حلوين والأحداث سريعة وغير متوقعة وطبعا اكتر ميزة بقت منتشرة فى المسلسلات الفترة الأخيرة أن الحلقات قليلة ومحدودة .
