الفن – باهر دويدار: تجربتى مع لجنة الدراما فى المتحدة ممتعة – البوكس نيوز

تحدث الكاتب باهر دويدار، مؤلف مسلسل مسار إجباري ومسلسل صيد العقارب، عن تعاونه مع لجنة المحتوى الدرامي بالشركة المتحدة للخدمات الإعلامية التي تترأسها الكاتبة الصحفية علا الشافعي.

 

 

وقال دويدار في تصريحات تليفزيونية ببرنامج الستات مايعرفوش يكدبوا، على شاشة قنوات CBC: “التجربة كانت ممتعة جدا مع لجنة الدراما في المتحدة السنة دي، تجربة في غاية السلاسة، ما حسيناش بأي عبء في التعامل معاهم، لأنهم هما عين غيرنا، اللى بيشتغل في مشروع بيكون شايف مشروعه هو بس، لكن لجنة المحتوى بالشركة المتحدة للخدمات الإعلامية شايفة كل الشغل اللى كلنا بنعمله أنا وزملائي، فبالتالي عندهم رؤية أوسع ممكن يبقي شايف حاجة أنا مش شايفها أو ينبهني لشيء أنا مش واخد بالي منه، وبيراعي إن مفيش تشابه بين المشاريع”.

 

وأضاف مؤلف مسلسلي مسار إجباري وصيد العقارب في مداخلته قائلاً: “اللجنة الدرامية بالشركة المتحدة قامت بدورها كمشرف عام من بعيد بيبص وينصح، وعمرنا ما جالنا منهم ملحوظة أو تعليق منهم ومكانش مفيد، بالعكس كل تعليقاتهم مفيدة، سعيد بالتجربة معاهم جدا، أنا التجربة كلها بالنسبالي السنة دي جديدة، أول مرة اشتغل مع غادة وأحمد حسن المخرج، حتى معظم نجوم العمل أول مرة أشتغل معاهم، المسلسل دا غالى عليا شوية”.