مواطن يحذر من شراء سيارة سكودا سوبيرب 2022 بعد نجاة أخيه من الموت

حذر مواطن من عيوب سيارة سكودا سوبيرب 2022 لما بها من عيوب قد تسبب وفاة المواطنين”.

 

وقال صاحب الواقعة فى منشور له عبر الفيس بوك،” خدوا بالكم من سكودا سوبيرب 2022 فيها عيب مميت…اخويا كان سايق في مدينة نصر في منطفة زحمة بسرعة لا تتخطى 40km في الساعة، وفوجيء بصوت عالي جدا في العفشة وبعدها فقد التحكم في العربية والعربية حدفت ودخلت في الجزيرة اللي في النصال2 ايرباج فتحوا رغم انه كان لوحده والحمد لله هو بخير”.

 

وتابع عن سيارة سكودا سوبيرب ،” لما نزل من العربية فوجيء ان المقص اتقطم لوحده بدون اي مقدمات وحصل اللي حصل، ودا باين في الصور والفيدوهات ان العربية من برا سليمة ومحصلهاش اي تصادم او اي شيء غير طبيعي وان الكسر حصل لوحده، العربية جديدة وماشية 20 الف كيلو فقط وكل صياناتها في التوكيل، باريت توكيل اسكودا في مصر (كيان) يراجع العربيات السوبيرب اللي في مصر لان في مشكلة مميتة في العفشة والايرباج الجانبي بيفتح لوحده بدون ما يكون حد راكب، احنا رايحين بيها للتوكيل انهاردا واتمنى انهم مايتهربوش من المسئولية ويتعاملوا مع الموضوع بجدية لان دي ارواح ناس، خدوا بالكم.ربنا يسلمنا جميعا”.