“رضينا بالقطع والقطع مش راضي بينا”.. عمرو أديب يفتح النار على وزارة الكهرباء

“رضينا بالقطع والقطع مش راضي بينا”.. عمرو أديب يفتح النار على وزارة الكهرباء.. أعرب الإعلامي عمرو أديب، عن استيائه من القرار الصادر بزيادة عدد ساعات تخفيف أحمال الكهرباء قائلا: “عرفونا أنتم بتديروا الأزمة إزاي، أنا عندي أجهزة في البيت باظت”.

وعقب أديب، على زيادة مدة تخفيف الأحمال لمدة ساعة اليوم وغدا، قائلا: “الريس قال للمسئولين خدوا الناس معاكم”، مضيفًا: “في ناس انقطعت عليهم الكهرباء أثناء وجودهم في الأسانسير، يا جماعة احترمونا وعاملونا كويس”.

ماذا قال الإعلامي عمرو أديب عن أزمة انقطاع الكهرباء؟

وقال عمرو أديب، خلال برنامج “الحكاية” عبر فضائية “إم بي سي مصر”، مساء الأحد: “مش قادر أفهم إزاي الساعتين بقوا تلاتة، ومش سعيد ولا مبسوط أنهم بقوا ثلاث ساعات”، مشيرا إلى أنه يتم قطع الكهرباء لأكثر من 3 ساعات، مضيفا: “قولوا للناس الحقيقة، أنت فاشل إنك تحدد الوقت، فاشل إنك تحافظ على الساعات اللي قولت عليها”.

مشاهدة فيديو تعليق عمرو أديب عن أزمة الكهرباء: “عاملونا أحسن من كده.. وبعد قطع 3 ساعات في الحر ده ما تقوليش وطنية”

وتابع: “عرفونا خطتكم.. بقول لصانع القرار المصري شوفوا الناس بتدير الأزمة صح ولا لاء، اللي حصل النهاردة يطير فيه ناس”، لافتا إلى أنه يجب أن يكون المسؤول صريحا مع المواطن، حيث لا يمكن إخفاء أزمة الكهرباء.

وتابع الإعلامي عمرو أديب حديثه: “يا جماعة خلاص مش هنتكلم في أسباب تخفيف أحمال الكهرباء، وعرفنا خلاص أن عندنا مشكلة طاقة، بس عاملونا كويس واحترمونا شوية”.

ولفت: “على فكرة بقى في أماكن الكهرباء بتقطع أكتر من 3 ساعات، مفيش مشكلة انك تزود عدد الساعات بس عرفونا وبلغونا قبلها”، مختتما: “رضينا بالقطع والقطع مش راضي بينا، مؤكدا أن هناك عنده أجهزة في البيت باظت”.