الان – عرض تاريخي لـ”إمام عاشور”.. ما هو موقف الأهلي.. وشيكابالا يكشف سرا خطيرا – البوكس نيوز

فيه كلام كتير، أن إمام عاشور هيسيب الأهلي ويروح الدوري السعودي.. إيه تفاصيل العرض التاريخي اللي بـ 240 مليون جنيه؟ وأيه رد الأهلي؟ وهل إمام عاشور مش هيشارك في كأس العالم للأندية؟ وأيه السر الخطير اللي كشفه شيكابالا عن إمام عاشور؟.. خليكم معانا
إمام عاشور، لاعب وسط الفريق الأول لكرة القدم بالنادي الأهلي، تلقى اهتمام كبير من جانب أحد أندية القمة في الدوري السعودي علشان يحصلوا على بخدماته في الموسم الكروي الجديد.
وده اللي أكده الإعلامي مهيب عبد الهادي، لما كشف تفاصيل العرض الخليجي الضخم لضم إمام عاشور لاعب الأهلي، نهاية الموسم، ومهيب قال: امام عاشور تلقى عرض خليجي بقيمة 240 مليون جنيه، والاهلي رفض”.
لكن فيه مصدر في النادي الأهلي كشف حقيقة وجود عرض سعودي لضم إمام عاشور في موسم الانتقالات الصيفية المقبلة، وده بعد تألقه خلال الموسم الحالي، ومساهمته في تتويج القلعة الحمراء بدوري أبطال إفريقيا وبطولتي السوبر المصري والكأس.
المصدر، أكد أن النادي موصلوش أي عروض نهائيا لضم إمام عاشور، وحسب المصدر فأن اللاعب يعيش أسعد فتراته داخل جدران القلعة الحمراء، بعد تتويجه بـ3 ألقاب في أقل من 10 شهور، وشدد على أن هدفه الرئيسي حاليا هو «كتابة التاريخ بقميص النادي الأهلي خلال بطولة العالم للأندية المقبلة».
المصدر أشار إلى أن كل اللي بيتقال عن وصول عروض لضم إمام عاشور في الصيف المقبل غير صحيح، واللاعب يأمل في المشاركة بكأس العالم للأندية 2025.
وبالنسبة للسر الخطير اللي كشفه شيكابالا عن إمام عاشور، فـ قائد الزمالك قال مكنتش اتوقع خالص انتقالإمام عاشور للنادي الأهلي لأنه زملكاوي مجنون، وكان علي تواصل معي حتي تواجده فى الاحتراف الخارجي لأنه كان مصاب ويقوم بالعلاج داخل الزمالك.
كمان شيكا قال إن إمام عاشور طلب مني قميصي فى نهائي كأس مصر.. والفاجأة اللي كشفها شيكابالا لما قال: «قالوا إني أخذت 28 مليون جنيه في عقدي الأخير مع نادي الزمالك، والرقم ده غير صحيح».
ومؤخرا، إمام عاشور عمل كام حركة كدا خلت الجماهير في مصر مش عارفة تحسم هو لسه زملكاوي ولا بقي أهلاوي.. والناس بتسأل دلوقتي هو إمام ليه متابع وبيتفرج على ماتشات الزمالك في الكونفدرالية طالما هو موجود في الأهلي؟.. المفاجأة إن إمام عاشور لسه بيستقبل مكالمات من مسئولين زملكاوية أو ناس قريبة من نادي الزمالك وبيتكلموا معاه في الرجوع للقلعة البيضاء من تاني.
ورغم إن إمام عاشور قادر يوقفهم عند حدهم ويقولهم أنا بلعب في الأهلي وعقدي مكمل مع الفريق لكن هو معملش ده وسايب الباب مفتوح ومش مقفول في وشهم.. ده غير اللي عمله في ماتش السوبر المصري اللي اتلعب في السعودية بين الأهلي والزمالك واللي الكاميرات جابت إمام عاشور بيتكلم مع شيكابالا ومغطي بؤقه عشان محدش يفهم هو بيقول أيه.
لكن المفاجأة الكبيرة هي اللي حصل من طارق السيد نجم نادي الزمالك السابق واللي معروف بقربه من مجلس الإدارة واللعيبة واللي بيجيب صفقات ونجوم شباب للزمالك زي ما حصل مع أحمد سيد زيزو وأحمد فتوح.