الان – إمام عاشور حضن مراته ومفاجأة وسام أبو علي لأسرته.. فيديوهات مسربة لاحتفال لاعبي الأهلي مع زوجاتهم – البوكس نيوز

مباراة الأهلي والترجي في نهائي دوري أبطال أفريقيا، كانت مليانة بالمشاهد المثيرة اللي مبثتهاش القنوات التلفزونية، زي مثلا استقبال نجم المارد الأحمر إمام عاشور لزوجته بالأحضان، واحتفال وسام أبو علي مع أسرته، وكمان محمد مجدي أفشه مع أطفاله.. واللي عامله الشحات وكهربا فاجئ الجميع.. وإيه أصعب دقيقتين مروا على محمود الخطيب؟ وأزاي كان عاوز ينزل يلعب معاهم؟

أصعب دقيقتين مروا على الكابتن محمود الخطيب، رئيس النادي الأهلي، وهما كانوا في آخر المباراة.. وتحديدا بعد الدقيقة الـ 88، وده لأن كان خايف الترجي التونسي يخطف هدف ويجيبوا التعادل وبالتالي البطولة الـ 12 هتروح من الأهلي.
فيه فيديو مدته حوالي 3 دقائق ظهر فيه الخطيب وهو قلقان جدا وناقص ينزل الملعب ويلعب بنفسه.. وكان على أعصابه لحد ما صفر الحكم، بعدها الابتسامة رجعت لوشه تاني، وعرف ياخد نفسه، والحمدالله المارد الأحمر قدر يفوز على الترجي ويحصد لقب بطل دوري أبطال أفريقيا للمرة الـ12 في تاريخه.
وبالنسبة للمشاهد الأسرية اللي كانت بعد تتويج الشياطين الحمر بلقب أفريقيا، هي استقبال نجم خط الوسط إمام عاشور زوجته بالأحضان، واحتفل معاها وده أثار أعجاب كل الحضور والكل كان فرحان ومبسوط، كمان فيه صور رصدت احتفال النجم الفلسيطيني وسام أبو علي مهاجم النادي الأهلي وهو بيحتفل مع أسرته، ولفوا الملعب كله.
كمان من ضمن الاحتفالات كان النجم محمد مجدي أفشة اللي احتفل مع أطفاله بعد التتويج بالأميرة السمراء، ده غير احتفال حسين الشحات وباقي نجوم الأهلي مع أسرهم.. الخلاصة الكل كان فرحان ومبسوط والفرحة مش سيعاهم زي ما بيقوا.
ومن المشاهد اللي حصلت بردو بعد نهاية المباراة، أن كل اللاعبين لبسوا تيشيرت علي معلول علشان يحتفلوا بيه، وكمان فيه مشهد قبل المبارة وده لما الجمهور أعطى طهره لمحمد رمضان أثناء غناءته وده تضامنا مع أهلنا في غزة، وكلهم كانوا بيهتفوا بقضية الوطن العربي.
فريق الكرة بالنادي الأهلي، فاز ببطولة دوري أبطال أفريقيا بعد هزيمة الترجي التونسي بهدف نظيف خلال المباراة اللي جمعتهما باستاد القاهرة فى إياب نهائي دوري أبطال أفريقيا، وسجل هدف الأهلي روجي أهولو مدافع الترجي بالخطأ في مرمى فريقه بالدقيقة الرابعة.
الأهلي حصد اللقب ده، بعد ما خاض 14 مباراة حقق الفوز في 9 مباريات وتعادل 5 مرات ومتهزمش في أي مباراة ليحقق إنجاز غاب عن الأهلي منذ 19 عامًا، وتعتبر المرة دي هي التانية في تاريخ الأهلي اللي يفوز فيها بلقب أبطال أفريقيا بدون أي خسارة بعد نسخة 2005 اللي توج فيها المارد الأحمر باللقب في النهائي على حساب النجم الساحلي التونسي وبدون ما يتلقي أي هزيمة في مشواره بالبطولة.
النادي الأهلي، يترقب حصد جائزة مالية إضافية بعد تتويج الفريق الأول لكرة القدم بالنادي بلقب دوري أبطال أفريقيا، وده بخلاف الجائزة المالية المقررة من الاتحاد الأفريقي لكرة القدم، واللي هيحصل عليها الأهلي في الأيام المقبلة.
الاتحاد الأفريقي لكرة القدم هيمنح جائزة مالية قدرها 4 مليون دولار، بعد فوزه بلقب دوري أبطال أفريقيا على حساب الترجي التونسي، وهيحصل الأهلي على جائزة مالية إضافية بعد ضمان مشاركته في كأس السوبر الأفريقي، وهيحصد الفائز بلقب كأس السوبر الأفريقي بين الأهلي والزمالك، على 500 ألف دولار، وهيحصد الوصيف 250 ألف دولار.
وده بجانب جائزة كأس السوبر الأفريقي يوجد جائزة جديدة وهي جائزة الإنتركونتينتال، بديلة كأس العالم للأندية واللي هيشارك فيها الفريق بصفته بطل دوري أبطال أفريقيا.